Главная  Писатели и поэты Удоры  Бушенев Петр Феликсович

Бушенев Петр Феликсович

БушеневПетр Феликсович Бушенев

(12.07.1956)

 

 

 

      Петр Бушенев родился в селе Мучкас Удорского района. В 1962 г. семья переехала в поселок Ыджыд-Яг. Там он закончил 8 классов. Потом он учился в Косланской средней школе. После окончания работал слесарем в Косланском лесопункте. В 1974 г. поступает в Коми государственный педагогический институт. После окончания института Пётр Бушенев работает в Косланской средней школе учителем физики и астрономии. С 1986 г. работает в редакции районной газеты «Выль туйӧд».

Первое стихотворение было напечатано  в журнале «Войвыв кодзув» («Северная звезда») в 1977 г. Первый сборник его стихов «Син водзын» («Перед глазами») вышел в 1989 году, затем была книга для детей «Пипу кор» («Лист осины», 1993). Публиковался в коллективных сборниках «Парма гор» (Голоса Пармы), «Öшкамöшка» (Радуга), «Сьӧлӧмшӧрӧй менам Удора» («Удора – душа моя») и других.

Петр Бушенев пишет о своем крае, о коми деревне, о природе, о любви. Его стихи просты, доступны. Их отличает стремление к естественности.

Петр Бушенев оставил заметный след в коми поэзии начала 90-х годов своими пародиями. В это время он писал ряд пародий на известных поэтов: Сер. Попова, А. Ванеева, Г. Юшкова, Ю. Васютова, В. Тимина, А. Мишарину. Его пародии оригинально раскрывают особенности  и парадоксы их поэтического мышления.

 Пётр Бушенев чужис Удора районса Мучкас грездын. 1962 воын семьяныс вуджис Ыджыд-Яг посёлокӧ. Сэні Пётр Бушенев помаліс 8 класс. Сэсся велӧдчис Косланса шӧр школаын. Помалӧм бӧрын уджаліс слесарӧн Косланскӧй лесопунктын. 1974 воын пырис велӧдчыны Коми государственнӧй педагогическӧй институтӧ. Институт помалӧм бӧрын локтӧ уджавны Косланса шӧр школаӧ физика да астрономия велӧдысьӧн. 1986 восянь уджалӧ «Выль туйӧд» районса газетлӧн редакцияын.

Медводдза кывбур Пётр Бушенев йӧзӧдіс 1977 воын «Войвыв кодзув» журналын. «Син водзын» медводдза кывбур чукӧр петіс 1989 воын, сы бӧрын – челядьлы «Пипу кор» небӧг (1993). Сідз жӧ сылӧн ижӧдъяс петавлісны ӧтувъя сборникъясын («Парма гор», Ӧшкамӧшка», «Сьӧлӧмшӧрӧй менам Удора» да с.в.), «Войвыв кодзув», «Чушканзі» журналъясын, республикаса да районса газетъясын.

Пётр Бушенев гижӧ ас чужан му йылысь, коми грезд йылысь, вӧр-ва йылысь да радейтчӧм йылысь. Сылӧн кывбуръяс лыддьысьысьлы гӧгӧрвоана. Найӧ торъялӧны ас серлунлань нырччӧмӧн.

Пётр Бушенев колис ассьыс пай коми поэзияӧ 90-ӧд вояс заводитчигӧн пародияа гижӧдъясӧн. Сы кадӧ сійӧ гижис уна пародияяс нималана гижысьяс вылӧ: Сер. Попов, А. Ванеев, Г. Юшков, Ю. Васютов, В. Тимин, А. Мишарина вылӧ, кӧні сійӧ аслыснога восьтӧ налысь поэтическӧй вежӧралӧмын торъялӧмъяс.

 

Источник:

Бажуков, А. «Парма гор» книгаын – удораса гижысьяслӧн кывбуръяс // Выльтуйӧд. – 1985. – 16 февр. – Пер загл.: В книге «Парма гор» - стихи удорских поэтов.

Дёмин, В. Пётр Феликсович Бушенев // Писатели Коми : биобиблиогр. словарь : в 2-х т. / науч. ред. В. Н. Дёмин. – Сыктывкар, 1995. – Т. 1. -  С. 63-65.

 

Хужожественные произведения:

           

Пародияяс // Парма гор : лит.-худож. гижӧд чукӧр. - Сыктывкар, 1984. – С. 251-255. – Пер. загл. : Пародии.

Син воздын : кывбуръяс. – Сыктывкар: Коми кн. изд-во, 1989. – 31 л.б. – Пер. загл.: Перед глазами : стихотворения.

Пипу кор : кывбуръяс. – Сыктывкар: Коми кн. изд – во, 1993. – 16 л.б. – Пер. загл.: Лист осины : стихотворения.

 

Тӧдтӧм горт

«Пывсьӧм бӧрас нин гӧгӧрвои,Бушенев книга

Мый ме бара на гортӧ вои».

(А. Ванеев. «Гортса пывсян)

 

Сиктыс тӧдтӧм. А быттьӧ и тӧдса...

Кытысь аддзылі татшӧмсӧ мӧдсӧ?

Тайӧ уличті быттьӧ нин мунлі,

Сӧмын быдлаын вӧвлан, дай вунлӧ,

Коді праныд оз лок: «Альберь, чолӧм!»

Менӧ тӧдӧны, сыысь мен долыд.

Сідзкӧ, прӧстӧ ог шусьы поэтӧн –

Тӧдлӧм понйыс кӧ лапсӧ мен сетӧ.

Паныд мужик со, киас – кык корӧсь,

Менӧ пывсьыны аскӧдыс корӧ.

Пырны али не пырны – ог артась,

Кывлі, пывсигӧн бурджык стих артмас.

Жарыс пельясӧс чишкаліс – сотіс,

Но, а мужикыд ещӧ на содтіс...

Пывсьӧм бӧрас нин гӧгӧрвои,

Мый ме бара на гортӧ вои.

 

Тӧдтӧм сёрни

«Мыйкӧ тэд висьтала кузя,

Мый йылысь, ачым ог тӧд».

(В. Лодыгин)

 

Ӧні поэтӧн ме шуся

Кывъясӧ прӧстӧ ог лӧд.

Мыйкӧ тэд висьтала кузя,

Мый йылысь ачым ог тӧд.

 

Гижа поэма и кывбур.

Т а вылӧ эм ыджыд ӧд.

Сэтшӧма песлӧдла кывтӧ,

Мый йылысь сёрни – он тӧд.

 

Кодлыкӧ дивӧ кодь овлӧ,

Йӧзӧдла гижӧдъяс кор.

Гижлыны сідз, вокъяс, ковлӧ,

Ачыд мен эн гӧгӧрво.

 

Лыддяс-ӧ кордкӧ? Мен ӧткодь,

Но шуис мен ӧти морт:

- Мый йылысь больган, он тӧд кӧ,

Ас пытшкын кут больгантор.

 

Юксьӧм

«Юкла пыр, мый эм, шӧри»...

«Йирмӧгсӧ кодлы юка ме»...

(С. Попов)

 

Юкла пыр, мый эм, шӧри.

(Мӧд ног вӧчны кӧ – грек)

Коді пыралас, сьӧрас

Кыскӧ джын – мыйкӧ век.

 

Таысь керкаын менам

Дзоньсӧ нинӧм эн корсь.

Эмбур тупкӧ джын-стена,

Ӧдзӧс пырны оз сор.

 

Джын-джодж вылын – джын пызан,

А сы дорын – джын стул.

Ставыс тані – джын кыза:

Мед кӧть часі, кӧть тув.

 

Нинӧм йӧзысь ог сайӧд,

Юкла шӧриӧн дзик.

Он кӧ веритӧй, тайӧс

Тіян висьталас сикт.

 

Тэ кӧ пыралан, другӧй,

Он, дерт, кушӧн жӧ кос.

Йирмӧг вай тэкӧд юккам,

А то висьӧдчӧ кос.