Главная  Новости  Дона козин

Дона козин

Зэв долыд да кыпыд аддзысьлӧм артмис Усогорскса библиотекаын. Тайӧ аддзысьлӧмсӧ виччысьтӧг козьналіс лыддьысьысьяслы енбиа да пыдди пуктана Светлана Ювинальевна Говорухина – коми кывбур тэчысь. Висьталыштіс ассьыс олан туйсӧ, а сэсся и лыддис кывбуръяссӧ. Мичаӧсь, сьӧлӧм вӧрзьӧдысьӧсь: чужан му йылысь, мам йылысь, радейтчӧм йылысь…

Уна юалӧм вӧлі лыддысьысьяссянь. Челядь юасисны велӧдчан кад йылысь, а версьтӧ йӧз – радейтана удж йылысь. Вӧлӧм, Светлана Ювинальевна бура кысьӧ, пӧжасьӧ, ветлӧ лызьӧн да конькиӧн, чукӧртӧ тільгунъяс. Дерт жӧ, медся ёна радейтӧ ассьыс чужанінсӧ. Бура артмӧ и вуджӧдӧм удж: кывзысьяслы ёна кажитчис Бальмонт кывбурлӧн коми кыв вылӧ вуджӧдӧмыс. Ачыс кывбур тэчысь тӧдӧ уна кыв: сёрнитіс весиг Азербайджанысь нывкакӧд на кыв вылын!

Кывбур тэчысь тшӧктіс поснияслы бура велӧдчыны да козьналіс ичӧт детинкалы небӧг медуна юалӧмысь. Нӧшта козинъяс вичмисны версьтӧяслы да небӧг видзанінлы. Ставлы вӧлі долыд аддзысьлӧмысь! Зэв ыджыд аттьӧ Светлана Ювинальевналы!

«Эн завидьты некор, мый кодлыкӧ кокниа овсьӧ,

Эн дӧзмы, кор сьӧкыда сетчӧ тэд лун.

Шудсӧ олӧмас быдӧн ас ногыс корсьӧ,

Бергӧдлӧ удж, медым топыда личкыліс ун». (С. Ю, Говорухина)

 

DSC00050DSC00049DSC00048dnDRgbeDdbM