Таво миян лоис петкӧдлӧма (содтам нёльӧдысь нин) «Кытшъяс» этнофестиваль дырйи

Интересыс сэн и эм, мый обрядъяс ми нуӧдам грездъясын, зілям вӧчны важ кадся атмосфера, петкӧдлыны миян дед-бабъяслысь важ оланногныссӧ.

Таво миянӧс виччысины Кӧрттувъяын, ӧти грездса дзоньвидза на керкаын. Зэв ыджыд аттьӧ керка кутысь Валерий Пантелеевлы бура примитӧмысь да керка шонтӧмысь! Сійӧ радпырысь отсасис миян лӧсьӧдны керка пытшкӧссӧ да унатор висьталіс грездлӧн важъя олӧмысь. Тайӧ шань да восьса мортыс уна тӧдӧ грездлӧн история йылысь да дась быдӧнкӧд юксьыны сыӧн.

Зэв ыджыд аттьӧ нуӧдӧм-вайӧдӧмысь буранистъяслы, Николай Матвеевлы да Григорий Евсеевлы. Кор да кӧні на сюрлӧ тадзи катайтчыны, сӧмын «Кытшъяс» вылын!

Зэв ыджыд аттьӧ Галина Матвеевалы да Светлана Тыдорскаялы, кодъяс быд во окотапырысь миянӧс дасьтӧны колана реквизитъясӧн да костюмъясӧн!

Зэв ыджыд аттьӧ Вардан Манукъянлы да Алексей Аврамовлы! Таво миянӧс снимайтісны камера вылӧ, медым сэсся обрядсӧ петкӧдлыны контактлӧн группаясын. Камера вылӧ ворсны ми абу велалӧм войтыр, кык часысь унджык сюрис Варданлы ноксьыны миянкӧд.

Ни ӧти обряд эз бы ло петкӧдлӧма миян ворсысьястӧг, кодъяс аддзӧны кад тшӧкыда волыны репетицияяс вылӧ, юасьны ас уджъясысь, медым мӧдӧдчыны библиотекаръяскӧд тшӧтш Йӧртӧмдін матысса грездъясӧ. Таво налы сюрис кыкысь ветлыны Кӧрттувъяӧ. Ӧтчыдысь – снимайтчыны камера вылӧ, мӧдысь – петкӧдчывны гӧсьтъяс водзын.

Зэв ыджыд аттьӧ Любовь Ванеевалы, Борис Ждановлы, Владимир Политовлы, Анна Кряжевалы, Олеся Шлоповалы, Елена Екимовалы, Оксана Рыженковалы!

Кутам лача, мый и водзӧ лоам ӧти йитӧдын!

Зэв ыджыд аттьӧ миян зрительяслы видзӧдӧмысь да бур кывъясысь!

Ставлы сиам ыджыд дзоньвидзалун, кыпыдлун, муслун да сӧгласӧн олӧм! Став бурсӧ! 
читать далее...