Небыд туруна видзьяс вылын

Вӧтти Петыр лунӧ турун вӧчан кадлы зачин вӧчины. Уджаліны сӧмын павжинӧдз. А кодъяскӧ и мӧдарӧ. Петыр лунсӧ на шуӧны гожӧм шӧрӧн.

Волісны агитбригадаӧн сьылысьяс да йӧктысьяс. Вӧтти найӧ ёна жӧ ветлӧдчины, медым турун вӧчысьяслысь уджалан ӧд кыпӧдны.

Туруна удж вӧчан кадӧ вӧтти сідз жӧ позьӧ вӧлі и гижысьяскӧд тэсӧдчыны. И тайӧ лунӧ Глотово Слӧбӧдаса небыд туруна видзьяс вылын кывбуръяс лыддины, войтыркӧд сёрнитіны гижысьяс – Андрей Попов, Галина Бутырева, Надежда Мирошниченко, Елена Афанасьева, Нина Обрезкова, Павел Лимеров, Татьяна Канова, Игорь Иванов, Алёна Шомысова, Алёна Старцева, Александр Герасименко, Денис Попов.

Нӧшта позис нывъяслы, нывбабаяслы, зонъяслы да мужичӧяслы ытшкысьыштны, турун куралыштны, ассьыныс кужанлун петкӧдлыны.

А кодъяскӧ и аслыныс да мукӧдъяслы мичлун, дзоньвидзалун сиӧмӧн юркытш кыины, корӧсь кор вӧчины. Петыр лунӧ кыдзи нӧ пывсянтӧг...

Чери кыйсьысьяс сӧрӧмъясӧн гӧсьтъясӧс гажӧдісны. Найӧ Петыр лунсӧ лыддьӧны ас празьникӧн. Корисны вежа Петырлысь да Павеллысь шуда кыйсьӧм: «Петыр-Павел, чери сет!»

Празьник Петыр лун да «Коми книга» гажлӧн медводдза лун колис зэв бура, кыдзи колӧ.

Фото для просмотра доступны по ссылке.