Версия для слабовидящих
Литературный праздник "Писатель, книга и театр"
« Назад
Литературный праздник "Писатель, книга и театр" 01.12.2017 15:06
2016 вося декабр 9-ӧд лунӧ А. Е. Ванеев нима шӧр библиотекаын муніс «Гижысь, небӧг да театр» Юрий Васютовӧс нимӧдан аддзысьлӧм, кодӧс вӧлі сиӧма удораса гижысьлӧн чужан лунсянь 85 во тырӧмлы.
Нуӧдысьяс Светлана Жданова да Лина Доронина тӧдмӧдісны гижысьлӧн олан да гижан туйӧн. Вӧлі нуӧдӧма неыджыд поэтическӧй лыддьысьӧмъяс – «Козинӧн кывбуръяс». Лыддьысьысьяс ас лыддьӧмӧн петкӧдлісны Юрий Васютовлӧн кывбуръясын мичлунсӧ. Ӧд найӧ ставлы гӧгӧрвоана. Уна гижӧд поэтлӧн йитчӧма вӧр-вакӧд, сиктса олӧмкӧд, чужан мукӧд.
Юрий Васютовӧс тайӧ аддзысьлӧм вылын лои тӧдчӧдӧма и кыдзи челядьлы гижысьӧн. Ичӧтъяслы сыӧн сиӧма уна торъя небӧг: «Чушик-Чушенька – Чушок», «Татчӧ волыны ме рад», «Менам рӧдвуж», «Вӧрса олысь – Пожӧм коль» да мукӧдъяс. 2010 воын Юрий Васютовлӧн петӧ посни войтырлы выль небӧг - «Зиль-зёль да силь-сёль». Ок, и лӧсьыда жӧ йӧктісны, ворсісны да лыддисны Юрий Васютовлысь «Татчӧ волыны ме рад» кывбур серти Косланса челядьӧс видзанінлӧн «Акварельки» ыджыд группаысь посни войтыр.
Сiдз жӧ и гижіс Юрий Константинович шмоня да зумыша кывбуръяс. Ёна жӧ и гажӧдісны Григорий Евсеев, Кирилл Жданов, Валентина Ванеева да Леонид Политов «Пывсян кӧджын мунiс вен, корджык пывсьынысӧ сэн» да «Гозъя» кывбуръяс лыддигӧн.
Дерт, унджык небӧгыс Юрий Васютовлӧн петаліс кывбур чукӧръясӧн, но эм и проза небӧгъяс. Быд жанрыс на артмӧ вӧлі гижысьлӧн перӧ-ручка улас.
«Быдӧнлӧн аслас сьӧлӧм» повесьтысь петкӧдлӧма неыджыд юкӧн, кӧні шӧр герой Гелиос кӧсйӧ лӧсьӧдны ассьыс олӧм том учительница, комсомольскӧй секретар Лена Парневакӧд. Ворсысьяс Борис Жданов, Лина Доронина да Нина Нючева стӧча вежӧртісны геройяслысь олансернысӧ: кыдзи кужӧны радейтны, уджавны да общественнӧй овмӧс вӧсна тӧждысьны.
Вӧлӧмкӧ Юрий Васютов на пьесаяс гижлӧма. Кирилл Жданов да Людмила Обрезкова ворсісны «Гараж» тешысь юкӧн, кӧні контораса уджалысь Екатерина Кынева совхозса управлющӧй Шомысов Иван Сиверьяновичыдкӧд ворсӧдчӧ. Тайӧ ӧти юкӧна тешсӧ йӧзӧдлӧма 1987 вӧын на «Войвыв кодзув» журнал. Совхозас вошӧма трактор, а став помкаыс сыӧн, мый некыдз гараж оз вермыны лӧсьӧдны. Став техниканыс лым улын тӧвйӧ...
Олӧмыслӧн бӧръя воясас нин Юрий Васютов уджалӧма «Салдат Васюта» казьтылана повесьт вылын. Гижысьлӧн пиыс – Михаил Юрьевич вайӧдіс помӧдз батьыслысь повесьтсӧ. Бӧръя гижӧд Юрий Васютовлысь 2011 воын йӧзӧдліс «Войвыв кодзув» журнал . 2016 воын - петӧ торъя небӧгӧн. Борис Жданов лыддис неыджыд кык юкӧн тайӧ казьтылана повесьтысь.
Библиотекаса сцена вывсянь юргис коми кыв. Бур кывъясӧн вӧлі пасйӧма Юрий Васютовӧс нимӧдан аддзысьлӧм. Аттьӧ гӧстьяслы, мый восьса сьӧлӧмӧн видзӧдісны да кывзісны ворсысьясӧс!(см. фото)
2016 вося декабр 9-ӧд лунӧ А. Е. Ванеев нима шӧр библиотекаын муніс «Гижысь, небӧг да театр» Юрий Васютовӧс нимӧдан аддзысьлӧм, кодӧс вӧлі сиӧма удораса гижысьлӧн чужан лунсянь 85 во тырӧмлы. Нуӧдысьяс Светлана Жданова да Лина Доронина тӧдмӧдісны гижысьлӧн олан да гижан туйӧн. Вӧлі нуӧдӧма неыджыд поэтическӧй лыддьысьӧмъяс – «Козинӧн кывбуръяс». Лыддьысьысьяс ас лыддьӧмӧн петкӧдлісны Юрий Васютовлӧн кывбуръясын мичлунсӧ. Ӧд найӧ ставлы гӧгӧрвоана. Уна гижӧд поэтлӧн йитчӧма вӧр-вакӧд, сиктса олӧмкӧд, чужан мукӧд.
Юрий Васютовӧс тайӧ аддзысьлӧм вылын лои тӧдчӧдӧма и кыдзи челядьлы гижысьӧн. Ичӧтъяслы сыӧн сиӧма уна торъя небӧг: «Чушик-Чушенька – Чушок», «Татчӧ волыны ме рад», «Менам рӧдвуж», «Вӧрса олысь – Пожӧм коль» да мукӧдъяс. 2010 воын Юрий Васютовлӧн петӧ посни войтырлы выль небӧг - «Зиль-зёль да силь-сёль». Ок, и лӧсьыда жӧ йӧктісны, ворсісны да лыддисны Юрий Васютовлысь «Татчӧ волыны ме рад» кывбур серти Косланса челядьӧс видзанінлӧн «Акварельки» ыджыд группаысь посни войтыр.
Сiдз жӧ и гижіс Юрий Константинович шмоня да зумыша кывбуръяс. Ёна жӧ и гажӧдісны Григорий Евсеев, Кирилл Жданов, Валентина Ванеева да Леонид Политов «Пывсян кӧджын мунiс вен, корджык пывсьынысӧ сэн» да «Гозъя» кывбуръяс лыддигӧн.
Дерт, унджык небӧгыс Юрий Васютовлӧн петаліс кывбур чукӧръясӧн, но эм и проза небӧгъяс. Быд жанрыс на артмӧ вӧлі гижысьлӧн перӧ-ручка улас.
«Быдӧнлӧн аслас сьӧлӧм» повесьтысь петкӧдлӧма неыджыд юкӧн, кӧні шӧр герой Гелиос кӧсйӧ лӧсьӧдны ассьыс олӧм том учительница, комсомольскӧй секретар Лена Парневакӧд. Ворсысьяс Борис Жданов, Лина Доронина да Нина Нючева стӧча вежӧртісны геройяслысь олансернысӧ: кыдзи кужӧны радейтны, уджавны да общественнӧй овмӧс вӧсна тӧждысьны.
Вӧлӧмкӧ Юрий Васютов на пьесаяс гижлӧма. Кирилл Жданов да Людмила Обрезкова ворсісны «Гараж» тешысь юкӧн, кӧні контораса уджалысь Екатерина Кынева совхозса управлющӧй Шомысов Иван Сиверьяновичыдкӧд ворсӧдчӧ. Тайӧ ӧти юкӧна тешсӧ йӧзӧдлӧма 1987 вӧын на «Войвыв кодзув» журнал. Совхозас вошӧма трактор, а став помкаыс сыӧн, мый некыдз гараж оз вермыны лӧсьӧдны. Став техниканыс лым улын тӧвйӧ...
Олӧмыслӧн бӧръя воясас нин Юрий Васютов уджалӧма «Салдат Васюта» казьтылана повесьт вылын. Гижысьлӧн пиыс – Михаил Юрьевич вайӧдіс помӧдз батьыслысь повесьтсӧ. Бӧръя гижӧд Юрий Васютовлысь 2011 воын йӧзӧдліс «Войвыв кодзув» журнал . 2016 воын - петӧ торъя небӧгӧн. Борис Жданов лыддис неыджыд кык юкӧн тайӧ казьтылана повесьтысь.
Библиотекаса сцена вывсянь юргис коми кыв. Бур кывъясӧн вӧлі пасйӧма Юрий Васютовӧс нимӧдан аддзысьлӧм. Аттьӧ гӧстьяслы, мый восьса сьӧлӧмӧн видзӧдісны да кывзісны ворсысьясӧс!(см. фото)